港估 KongGuess 的更新公告：新模式、新功能和修正，最新的在最前。 Update notes from 港估 KongGuess: new modes, new features and fixes, newest first.
📢 港估 KongGuess 11月11日更新公告
🎮 唔使註冊都玩得
・「快速開始」同「小測驗」而家唔使帳戶都可以即刻試玩（成績唔會儲存，建立帳戶先可以保存分數同升級）
・未登入都可以睇排行榜、地圖同最新消息；排行榜同已發佈地圖上嘅顯示名稱，未登入嘅人都會見到
🟢 圓全估中
・隊友每放低一個圓圈，計時器下面會即時話你知係邊個、幾大、有冇蓋中位置
・電腦大螢幕左上角多咗一張卡，列出今個回合所有圓圈
・加入專屬音效：圓圈蓋中、冇蓋中，同埋遊戲完結
・電腦上回合分數會喺畫面正中間彈出
📱 手機
・iPhone 主畫面 app：修正拖動街景時畫面有時會完全卡住嘅問題
・iPhone 較咗靜音都會聽到遊戲音樂同音效（遊戲出聲時，其他 app 播緊嘅音樂會停；唔想嘅話可以喺設定熄咗遊戲聲音）
・自由移動模式：點一下街景，傾偈框會自動收埋
・直向手機嘅背景維港景色高咗，唔再係下面窄窄一條
🛠️ 其他
・修正大螢幕上背景閃爍嘅問題
・修正 iPhone 上倒數大數字陰影穿咗窿
・背景移走咗尖沙咀建築物後面嘅水面反光
・玩法同遊戲模式等介紹頁面更新咗內容，並改為按標題展開
多謝大家支持！有問題或者發現 bug，歡迎加入我哋嘅 Discord（網站頁尾有連結）回報！🙏
⭕ 全新模式：圓全估中
・5 至 10 位玩家同一隊合作，一齊估 5 個回合，冇輸贏，最緊要合作愉快！
・每回合每人喺地圖放一個圓圈，用滑桿揀大細：500 米到 30 公里，圓圈愈細分數愈高
・圓圈包住正確位置就變綠色，包唔到就變紅色；每回合以最細嘅綠色圓圈計分
・有人用 500 米圓圈估中就係完美回合，全隊即刻 5000 分「圓全估中！」
・隊友放緊圓圈時，你會見到佢哋灰色嘅圓圈，可以參考或者分工
・大堂會顯示每位玩家嘅場數、完美回合同等級
・派對都可以揀圓全估中，3 至 20 位玩家一齊玩
多謝大家支持！有問題或者發現 bug，歡迎加入我哋嘅 Discord（網站頁尾有連結）回報！🙏
全新地圖製作工能！
🗺️ 全新地圖工作室
・地圖頁新增「地圖工作室」：喺顯示街景藍線嘅地圖上點擊，就可以加入最近嘅街景，自己砌地圖（需要用電腦）
・「畫範圍」：圈一個範圍，一次過加入範圍內嘅街景，可以揀地點之間最少相距 50 至 300 米
・揀選地點後可以即時預覽街景，仲可以用「街景日期」改用同一位置較舊嘅街景
・一按就可以將地點轉向「面向車頭」、「面向沿路」、「側向馬路」或「向北望落」，亦可以「只保留官方街景」
・有復原 / 重做同「修改紀錄」，做錯嘢隨時返轉頭；圖釘太密時會自動合併並顯示數目
・可以「從檔案加入」JSON 地點檔案，亦可以「匯出 JSON」備份你嘅地圖
📝 發佈 & 草稿
・新地圖會先以「未發佈」狀態儲存，只有你自己睇到，準備好先「發佈」
・已發佈嘅地圖修改後要按「發佈修改」先會生效，玩家唔會玩到改到一半嘅版本；隨時可以「取消發佈」
・未發佈嘅地圖都可以「建立挑戰連結」，先俾朋友試玩
🛠️ 其他
・原本嘅「發佈地圖」上載頁已併入地圖工作室，地圖嘅「編輯」會直接打開地圖工作室
・地圖地點必須喺香港境內，越過深圳邊境嘅地點將不能加入或上載
多謝大家支持！有問題或者發現 bug，歡迎加入我哋嘅 Discord（網站頁尾有連結）回報！🙏
小測驗新增：輕鐵車站同電車站！🚋
🚈 輕鐵車站
屯門同元朗嘅 68 個輕鐵站，分 11 條路綫。可以一次過挑戰全部車站，亦可以逐條路綫玩，例如 505綫、761P綫。
🚋 電車站
港島北岸嘅 82 個「叮叮」站，由堅尼地城到筲箕灣，連跑馬地都有，分 6 條路綫。
玩法同港鐵車站一樣：喺地圖上搵出每個站。每條路綫都有自己嘅最佳成績，答啱有經驗值。
另外，小測驗嘅圖片都換咗新款，港鐵車站變咗一幅站名牆，大家睇吓認唔認得出！
即刻去「小測驗」試吓啦！🙌